Hvert eru þessi blessuðu jól að fara?? Maður er að verða klikkaður á allri þessari jólaörtröð að hálfa væri hellingur. Ekki nóg með það að jólin koma alltaf fyrr með hverju árinu heldur eru jólin búin að breytast í eitthvað tískufyrirbrigði. Það vildi svo til að ég var staddur inní blómaval einn laugardaginn að skoða jóladót og svona þegar ég lít augum á eitt ógeðslegasta jólatré sem ég hef nokkurn tímann litið á.... Um var að ræða gervijólatré (sem geta verið mjög fín) en þetta ákveðna jólatré var SVART!!! Ég fylltist viðbjóði og hörlaði á gólfið og allir í kringum mig horfðu á mig eins og ég væri kjáni... Reyndar var líka hvítt tré þarna sem sýnir það að jólaliturinn eftir 1-2 ár verður svartur og hvítur í staðinn fyrir rauðan og grænan.  En þetta svarta tré mun sitja í mér til eilífðar... Kannski er ég gamaldags að vilja lifandi jólatré í stofuna mína en er þetta það sem koma skal í framtíðinni?? Svört jólatré??? Tja maður spyr sig...

Lífið í Reykjavíkinni gengur sinn vanagang og um hverja helgi er maður að skemmta sér í menningarlífi borgarinnar. Hver einasta helgi endar með fylleríi og djammi þótt planið manns sé allt annað. Eftir hverja einustu helgi hefur maður ætlað að vera í fríi frá djammi helgina eftir en þá kemur alltaf eitthvað upp eins og jólaglögg hjá vinnunni (sem maður var sósufullur í ), afmæli hjá vini (sem maður var sósufullur í ), vinahittingur (sem maður var sósufullr í ) eða þá að einhver annar segir "Ég nenni ekki að vera fullur einn.. DREKKTU". Ég er farinn að sjá fram á það að þetta endi bara á einum stað...

Berti íhugar jólin...fullur!!

Uppskeruhátíðin var síðustu helgi og má með sanni segja að hún hafi verið hreinasta snilld!! Allt byrjaði þetta á bílferð norður á föstudeginum eftir vinnu þar sem Konni bróðir keyrði bílaleigubíl og ég minn bíl og var ég með kisurnar með mér í bíl. Fressinn því miður slefaði mig allann út og farþegasætið... Ekki alveg að fíla bílferðir. Á laugardeginum var síðan farið á æfingu þar sem gamlir ungir mættust í leik uppá bjór og var ég í eldra liðinu og fórum við með sigur af hólmi þar sem kallinn skoraði sigurmarkið!!

Nú að leik loknum var haldið á bingó með familíunni í oddfellowhúsinu en því miður vannst enginn vinningur!! Valdi greinilega ekki rétt spjald... Þurfti reyndar að skreppa frá bingói á fund með liðinu þar sem kom í ljós að ég er sá eini sem ekki hefur skrifað undir nýjann samning hjá Tindastóli og er það vegna þess að mig langar til að prófa e-ð nýtt. En um kveldið var síðan uppskeruhátíðin þar sem mikið var hlegið og drukkið. Það endaði síðan á því að allir fóru á ball með Pöpunum og sumir fóru heim og voru aðeins of fullir og enduðu í sófanum hjá Snorra... Nefni engin nöfn!!

Þessi helgi einkenndist af fríum bjór og afmæli. Snorri kom í bæinn og ég náði að draga hann og Magga í afmæli og svo á djammið. Ekkert meir um það að segja.

Skólinn gengur ágætlega og í þarnæstu viku mun ég fá vikufrí vegna starfsdaga eða e-ð svoleiðis!! Fínn skóli... Alltaf frí og svo ferð til ísafjarðar og svona...

Berti djammar aðeins meira..

Jæja það hlaut að koma að því að maður bloggaði og svo að þú vitir Konni þá er ég ekki fluttur til Ísafjarðar en meira um það á eftir.. Það er orðið svo langt síðan að ég bloggaði og margt búið að gerast að hálfa væri hellingur. Það þarf varla að minna á það að Tindastóll komst upp í 2. deild með sigri á Ísafirði í úrslitaleik um hvaða lið fengi síðasta sætið laust þar og var mikill fögnuður að því loknu. Eins og vanalega var partý hjá Snorra og læti og meira að segja Bjarki gerðist kærulaus og datt í það... Allsvakalegt!! En uppskeruhátíðin er núna næstu helgi og ég veit að hún á eftir að verða skemmtileg og menn að búa til mynd og læti þannig að ég bíð spenntur. Fékk nýjann saxófón sem kostaði 10 dollara á ebay. Fór að skoða ebay til að athuga hvað almennilegur fónn kostar og ég get sagt ykkur að hann kostar um 200 þúsund kall en þar sem ég var að skoða um sá ég einn bláann fón sem kostaði 10 dollara eða um 600 kall.... Ég hugsaði með mér að þetta hlyti nú að vera drasl en pabbi sagði mér að kaupa hann og ef svo væri að þetta væri drasl þá henti ég honum bara!! Málið var að hann kom alla leið frá Kína þannig að sendingarkostnaðurinn var um 20 þúsund kall og svo var það tollurinn þannig að allt i allt kostaðin fónninn rétt rúmlega 30 þúsund kall. En viti menn... Hann virkar og það er bara nokkuð vel sloppið að borga svona mikið fyrir nýjann saxófón þar sem minn var nú ekki upp á sitt besta!! Var á Ísafirði núna síðustu viku í skólaferðalagi. Ferðalag þetta innihélt: drykkju, námskeið, meiri drykkju, kynnast hinum nýnemunum, drykkju og drykkju!!! Já það var mikið um drykkju í þessari ferð og maður tekur þessa viku til að jafna sig á fyrrverandi drykkju. Ég komst að því að Ísafjörður er algjörlega dauður bær því þar sem við, um 20 manna hópur, vorum á gistiheimili náðum við að afreka það að fá lögguna til okkar hvert einasta kveld vegna hávaða!! Hávaðinn var að mínu mati ekki mikill þar sem maður heyrði ekki í tónlistinni fyrir utan húsið en einhverjir heyrðu í henni og kvörtuðu. Reyndar kom sjúkrabíllinn eitt kveldið af því að einn hafði drukkið einum of og ældi út allt herbergið sitt.. Ekki geðsleg lyktin sem eftir var ferðarinnar. Jæja nóg í bili norður næstu helgi að fagna með liðsfélögum og læti þangað til... Berti spilar á nýjann fón!!

Já er á leiðinni til Ísafjarðar þannig að miklu betra blogg kemur eftir næstu viku því maður er svo ótrúlega busy hérna í stórborginni!! Biðst velvirðingar á bloggleysi... Berti bloggar seinna

Usss versló var snilld.. Það sem stóð einna hvað mest uppúr í þeirri ferð var einmitt fótboltinn sem ég og Pálmi fórum í á sunnudagsmorgninum. Við fórum á gervigrasvöllinn sem er við kirkjuna á Akureyri og fórum í miðju. Þar komumst við að því að ég er chippmeistari þegar ég er fullur því ég gerði ekkert annað en að chippa yfir Pálma hægri vinstri. Annað sem stóð uppúr í þessari ferð var gaurinn sem einokaði bunurnar í sundi. Þeir sem vita hvaða bunur ég er að tala um þá var þar gaur sem lá í mjög svo grófri stellingu undir báðum bununum. Frekar klisjulegt.. En ég vil þakka þeim sem maður hékk með í þessari ferð og sérstaklega Pálma og Frigga fyrir notalega gistingu og skemmtun.

Núna er ég í vinnunni og er þetta síðasta vaktin mín. Svo verður haldið til RVK og ráðist inná Konna bróður og plantað sér í sófann eða á dýnu á gólfinu hjá honum. Þar mun ég vera næsta ár að reyna að mennta sig meira en maður hefur þegar gert. Hlakka geðveikt til.

Berti RVK here I come!!

Hvert verður farið um Versló?
Eyjar ekki spurning..
33%
Akureyri verður fyrir valinu
44%
Galtalækur...
0%
Nei það verður Stóra Borgin maður...
11%
Austur á Neskaupsstað..
0%
MINE!
11%

Greinilegt að flestir ætla til Akureyrar um versló en þangað ætla ég að fara með góðum vinahóp á laugardeginum. Reyndar er búið að banna unglingum á aldrinum 18-23 að tjalda á tjaldsvæðinu en maður reddar því einhvern veginn... Á reyndar ekki tjald þannig að ég veit ekki alveg hvernig ég á að sofa... Planið eins og það er núna er að vaka alla nóttina og skemmta mér konunglega. Ef svo vill til að ég vil sofna þá bara sofna ég þar sem ég stend!! Fólk er ekki eins spennt fyrir þessari helgi eins og hefur verið. Ætli menn séu bara ekki að fullorðnast og er hætt að pæla í þessari helgi.. En ég ætla að byrja helgina á fylleríi í faðmi fjölskyldunnar!! Jú skemmtikveld hjá Hönnu systur og Vigni mági og nú þegar Konni bróðir er kominn heim þá verður þetta fjör. Ætli maður reyni ekki að plata þau öll í drykkjuleik til að skapa stemmningu...

Jæja það eru rúmlega 2 vikur þangað til að maður hverfur héðan af króknum og í höfuðborgina eða borg dauðans eins og ég vil kalla hana að læra í LHÍ. Hlakka geggjað til að byrja í skólanum og mun bróðir minn hýsa mig til að byrja með í Graðastrætinu.. Hef heyrt að þetta sé graðasta stræti í RVK!!! Ekki alveg...

Berti AK um versló.. 

 

Ég get svo svarið fyrir það að þessi næturvinna er gjörsamlega að taka völd á lífi mínu... Það eins sem maður gerir er að sofa og sofa aðeins meira. Núna um helgina var djamm með mfl og byrjuðum við á því að fara í golf þar sem maður sýndi snilldartakta við að sneiða kúluna að ofanverðu. Því miður þurfti Bibbi að bíta í það súra epli að lenda í síðasta sæti með mér og reyndar Jóa færeying og Guðna líka og fengum við sultu að launum fyrir að vera mestu sulturnar!! En eftir það var haldið á Kaffi Krók og fengið sér einn hammara eða burger eða eins og Danni vill segja það "Búrger" og var spjallað um tilþrif dagsins. Kíkt var í stólapartý til Danna þar sem hann átti engin húsgögn þurfti maður sjálfur að koma með stól. Ég sat nú ekki mikið á mínum kolli en engu að síður fínt partý.. Fengum nokkrir hugmynd af því að breyta þessu í rústpartý en við slepptum við það en allavega eftir partý var kíkt á Mæló þar sem Spútnik var að spila. Ég, Ebbe og Jón fórum aðeins fyrr til að taka nokkra Billiardleiki og endaði það með því að ég græddi 1000 krónur því Jón skaut hvítu kúlunni niður þegar hann átti bara svörtu eftir... fínt fyrir mig en ballið var alveg ágætt og mikið af liði þarna sem maður sér aldrei aftur!! Eftirpartý hjá Snorra (og Bibba) eins og vanalega og komið var heim um 5 leytið um morguninn!! Núna það sem maður ætlaði að segja með svefninn þá sofnaði ég um þetta leytið eftir djammið og vaknaði ekki fyrr en 11 tímun síðar... allt í lagi með það engin þynnka og svona... En að fara að sofa um kveldið klukkan 1 og vakna ekki fyrr en 11 næsta morgun er einum of... Þarna voru farnir 21 tímar í svefn sem hefðu getað nýst e-ð. Það sem meira er að ég hefði getað sofið meira og ég gerði það seinna um daginn!!! Ég er alvarlega að íhuga að kíkja til læknis út af þessum svefni mínum því þetta getur ekki verið eðlilegt. Fyrir þá sem eru að íhuga starfsframa sinn í framtíðinni þá mæli ég sko ekki með næturvörslu því hún er búin að eyðileggja "Tan workoutið" mitt og ég er eins hvítur og ég var í vetur... Frekar fúlt!! Já og svo sefuru allann daginn.....

Kisurnar stækka hratt og núna eru þær farnar að klifra um allt og hlaupa út um allann skúr. Þvílíkur hávaði sem getur komið frá þeim að hálfa væri nóg.. En þetta eru yndisleg dýr!!

Berti sefur og sefur og sefur....

Mikil gleði var hjá mér í síðustu viku þegar ég fékk símhringingu frá vinkonu minni sem tjáði mér það að vinkona hennar hafi hringt í hana og beðið hana um að segja mér að það væri búið að finna jakkann minn sem var stolið á balli á Hofsósi. Mikið var ég ánægður að vera búinn að fá jakkann minn aftur með kortaveskinu mínu í. Oh happy day..

 Var í RVK um helgina. Leikur á móti Hvíta Riddaranum sem vannst auðveldlega á föstudeginum og svo var hitt vini og vandamenn hina dagana með smá versleríi.. Náði að versla mér föt og einn tölvuleik sem ég hef heyrt að sé nokkuð góður og heitir hann God of War fyrir PS. Náði einnig að panta mér takkaskó í gegnum netið í síðustu viku þannig að maður er vel settur fyrir komandi átök í boltanum og svona.

Borg óttans stækkar ört og mátti sjá á hverju horni menn vera að vinna en það aftrar mér ekki frá því að fara þangað í skóla næsta vetur og fá smá tilbreytingu í líf mitt. Það er alltaf gott að skipta um umhverfi af og til.

Kisurnar stækka ört og nú þegar er búið að panta einn þannig að ef ykkur langar í litla sæta kisu þá getiði hringt í mig og vælt í mér þangað til að ég segi já eða e-ð í þá áttina!!!

Berti glaður

Úff 2 helgar liðnar og mikið sem hefur gerst.. Tindastólshátíðin var snilld í einu orði sagt nema hvað skemmtiatriðin hefðu mátt vera aðeins styttri. En engu að síður mjög skemmtilegt kveld sem endaði í broti heima hjá Snorra þar sem Haukur nokkur Skúlason og Inga Birna Friðjónsdóttir náðu að brjóta sófaborðið hans Snorra... Náttborðið hans Bibba og í partýi sem allar stjörnurnar voru... Sem by the way eru útúr klístraðar og merkilegar með sig að hálfa væri hellingur. Svo var það næsta helgi en þar var um að ræða Jónsmessuhelgin stóra sem endaði með balli á Hofsósi. Mikið af fólki og voða fjör alveg þangað til í endann þegar ég sá að það var búið að stela jakkanum mínum.. Og ekki nóg með að jakkinn hafi verið horfinn þá var kortaveskið mitt í honum með debetkortinu mínu og ökuskírteininu.. Man þvílíkur bömmer á góðu kveldi!! Ég var víst ekki sá eini sem lenti í þessum hremmingum því fleiri jökkum var stolið og verðmætin í þeim.. Þetta kennir manni bara lexíu um að geyma ekki jakkann sinn í fatahenginu!! Allavega ekki í félagsheimilinu í Hofsós..

Þetta er orðið svolítið svona djammblogg en það verður að hafa það.. Kisurnar eru alveg við það að fara að labba þannig að á næstu dögum verður mikið fjör í skúrnum og lítið um svefn... oh!!!

Berti fúll yfir jakkastolningi..

Já 16. júní og þetta verður dagur sumarsins.. Jú það er einmitt 100 ára afmæli Tindastóls og hefjast leikar með knattspyrnuleik milli Tindastóls og Skallagríms. Við í Tindastól munum leika í nýjum búningum en þeir eru gulir og svartir á lit og eiga þeir að líkjast fyrstu búningum okkar Tindstælinga. Eftir leik þennann munu gamlar kempur taka fram skóna og sína takta, karlar jafnt og konur. Að lokum verður svo matur og skemmtiatriði og ball fylgir í kjölfarið með Geira og co. Það eina sem ég vonast eftir er að það komi margir að horfa á leikinn því síðast þegar það var mannmergð var geggjað gaman að spila.

Kisurnar litlu eru farnar að opna augun og þeir eru búnir að vaxa um helming á þessari einu viku sem líf þeirra er búið að endast. Merkilegt nokk!!

Búinn að vera mikið í vinnunni undanfarið en það þýðir bara eitt... Money money money!!! Vonandi að maður fái háar fúlgur næstu mánaðarmót. En í vinnunni er ekki bara hangs og gaman ónei.. Löggan kom með einn fullann um hálf 3 eina nóttina og vildi sá fá gistingu. Ég setti hann í herbergi og hann sofnaði um leið og ég lokaði hurðinni. Um 5 leytið kemur maður og spyr "Kom löggan ekki með einn fullan áðan?" ég svaraði játandi og að hann svæfi eins og klettur í herberginu sínu. Maðurinn segir þá "já ég á að ná í hann því hann á að fara á sjó klukkan 7." Frekar skondið þannig að ég hleypti kallinum inn til að vekja þann fulla. Stuttu seinna kemmur kallinn og segir "þetta þýðir ekkert hann steinsefur" og með þetta fór hann út. Fulli kallinn hefur þá misst af þessum túr.... Tja þessir sjóarar meiri kallarnir!!!

Berti hlakkar til dagsins stóra.

Já hérna sit ég á Fosshótel Áningu og skrifa í tölvuna og bíð eftir að klukkan verði aðeins meira svo ég geti byrjað að skúra!!! Vá ég er gjörsamlega búinn að snúa sólarhringnum við og það hefur sína galla... já og kannski sína kosti þótt gallarnir séu fleiri!!

Er að passa 2 kisur fyrir Konna bróður og er það vegna þess að drengur er að flýja til Ástralalalíu að hitta sínar vinkonur...Oj en allavega þá eru kisurnar sistkyn, fress og læða, ekki nóg með það þá náði fressinn að læðast í skjóðuna og fylla hana því læðan varð ólétt!! Nú hugsar fólk "OJ þau eru sistkyni, hann er bróðir hennar" en því miður þá virkar það ekki eins og hjá okkur mönnunum. Kisur gera það sem þær vilja..... En núna í gær var læðan að eignast þessa líka 3 sætu hnoðra og þar sem ég var að passa kisurnar þá leyfði ég læðunni að gjóta í rúmið mitt. Reyndar var hún ofan á sænginni þannig að ekkert fór á rúmið en sængin varð öll útötuð í blóði og vitleysu. Núna liggur læðan heima og lætur litlu kettlingana totta á sér mallann því jú þar eru spenarnir sem þeir ná mjólk út úr... Tja svei mér þá!!

Leikur á morgun (föstudag) á móti Hvöt og verð ég að segja að þetta verður hatræm barátta milli góðs og ills.. Við erum góðir því við erum ekki með svo marga útlendinga en Hvöt eru með 7 eða e-ð. Kannski var þetta ljótt sagt en þeir verða bara að bíta í það súra epli að vera vondu gæjarnir því ekki getum við verið þeir vondu því þá vinnum við ekki.. Vá ég held að það sé komin snerta af geðveiki í mann á því að vera svona oft á næturvöktum... Maður hefur ekkert að hugsa um og býr til einhverja algjöra steypu.

 Jæja Adios.....

Berti með 5 kisur í skúrnum...

Jæja núna er ég í nýju vinnunni minni að blogga og læti.. Já ég er að vinna á hótel Áningu sem næturvörður og maður hefur eiginlega ekkert að gera!!! Mikið hefur gerst síðustu vikur hjá mér eins og t.d. RVK ferð sem entist í viku, Íslandsmótið byrjað á fullum krafti og við erum búnir að spila 2 útileiki og fá 4 stig sem telst nokkuð gott og svo má nefna fleira eins og djamm og æfingar.

Það sem er næst á dagskrá er náttúrulega 16. júní með öllu tilheyrandi og held ég að það verði geggjuð skemmtun. Leikur fyrr um daginn og vonandi láta allir sjá sig þar!!

Veit samt ekkert hvað á að segja þannig að ég er bara farinn að skúra.

Berti að skúra í nýja jobbinu...

Jæja kosningar á morgun og Eiki Hauks ekki áfram í Evrovisijón... Skandall!! Framsókn vann kosningu á síðunni minni með 43% atkvæða og Sjálfstæðisflokkurinn var með 29%.. Hinir voru með lítið!!

En síðasta helgi var mjög fín.. Við kepptum æfingaleik á móti Dalví/Reyni og unnum 3-1. Dejan, Snorri og Pálmi skoruðu og ég lagði upp marki á Pálma.. Góður!! En eftir leik var farið heim og borðað og svo til Snorra í smá partý og hitað upp fyrir böll. Við enduðum á að fara í Árgarð þar sem allir ungu krakkarnir voru og satt best að segja vissi ég ekkert hvað ég var að gera þar. Eftir ball var farið í eftirpartý til Snorra. Konni vildi eigi þyggja bjór og fór því heim að ná í bjór og kom svo hjólandi niðureftir til Snorra... Klikkaður kallinn. Við byrjuðum að horfa á Green street hooligans en allir voru orðnir þreyttir og fóru heim nema Konni sem kláraði alla myndina og hjólaði síðan heim... Dugnaður í kappanum!!!

Það er fyndið að sjá muninn á stelpum og strákum hvað varðar eftirtekt. Ég ákvað eftir mikla söfnun að raka af mér skeggið á sunnudagskveldið var. Á mánudeginum fór ég á æfingu og einnig á þriðjudeginum. Á þriðjudagskveldið bauð Snorri mér á rúntinn og það fyrsta sem hann sagði var "Hva búinn að raka þig?" Þetta tók hann 2 daga að sjá. Talaði einnig við Pálma á msn á miðvikudag og sagði honum að ég væri búinn að raka mig og hann varð hissa... Ef þetta hefðu verið stelpur þá hefðu þær sagt.."Hva minn búinn að raka sig, djöfull ertu sexý!!" Kannski ekki sexý dæmið en þær hefðu tekið eftir þessu strax... Fyndið!!

Berti rakaður og fínn 

Ég þoli ekki þegar maður lendir í því að fara að blogga og svo veit maður ekkert hvað maður á að segja... Samt er maður búinn að detta svo ótalmargt í hugsem maður hafði ætlað að skrifa. Oh well..

Íslandsmótið er að fara að byrja hjá okkur í boltanum og getur maður með sanni sagt að maður bíður bara spenntur eftir fyrsta leik en hann mun eiga sér stað á Grenivík á móti Magna í bikarnum!! Æfingar komust upp á hærra plan hjá okkur eða á svokallaðar nafir. Það er víst eina grasrótin sem maður má sprikla á þangað til Bjössi vallarvörður segir annað. Og vonandi að við fáum að fara á æfingarsvæðið sem fyrst því nafirnar eru ekkert sérlega góðar eins og er.

Um síðustu helgi var djammað og djúsað aðeins í 20 stiga hita og læti. Það lá við að maður færi nakinn niður í bæ en til allrar hamingju gerði maður það ekki. Á föstudeginum var farið niður í bæ með Snorr, Völu og Sólborgu og má segja að það hafi verið eitt lélegasta djamm sem maður hefur farið á. Það var eitt atriði sem reddaði kveldinu aðeins og það var þegar ég og Sólborg vorum á leið heim... Við ákváðum að stytta okkur leið í gegnum garða hjá fólki og það byrjaði vel því á fyrstu girðingu var gat sem við löbbuðum í gegnum, næst þurftum við að príla aðeins og Sólborg byrjaði að príla þegar ég bauð henni aðstoð sem hún þáði. Tók ég þá undir löppina á henni sem var ekki komin á grindverkið og ýtti. Úps... Sólborg lá kylliflöt á grasinu hinu megin við grindverkið og sú var ekki sátt við meðhöndlunina samt fyndið.. Þá var röðin komin að mér. Ég ætlaði að vera töff á því og ætlaði að hoppa yfir með aðstoð handa minna en það fór svo að löppin á mér flæktist í grindverkið og lenti ég á bakinu hinu megin við grindverkið og það var svo ótrúlega fyndið að ég lá þarna og hló í mínútu á eftir.. En við náðum að komast heim heil á húfi.

Margir þekktir kappar voru á stjá í bænum á laugardag og má þar nefna Sveinbjörn Ásgrímsson og Guðjón Örn Jóhannsson en þessir menn þjálfuðu okkur í fyrra og má með sanni segja að þeir stóðu sig virkilega vel í drykkjunni!!! Sleikjandi eyru og læti... En samt sem áður gott djamm og góð helgi. Næstu helgi er leikur á laugardag og aldrei að vita nema að maður taki öl og tjútti í Ljósheimum eða annar staðar..

Berti djamm og dettingar

Jæja langt er síðan maður bloggaði síðast og nú er kominn tími til að maður skrifi örfáar línur.

Fyrst vil ég benda á að loksins eru myndir komnar frá föstudagslanga djamminu heima hjá Ingva og getið þið séð þær hér til hliðar... 

Ég hef einnig ákveðið að raka mig ekki í ákveðinn tíma eða þangað til að ég nenni ekki lengur að hafa skegg... Já ég er búinn að fullorðnast mjög með þetta skegg og menn segja að ég sé kominn hátt upp í fertugsaldurinn.

En annað... Ég hef mikið pælt í einum hlut þessa dagana og það er að þegar maður hugsar um ákveðna manneskju þá meina ég hugsa um hana eins og: "" Hey langt síðan að maður hefur heyrt í honum/henni" eða "Hvað ætli hann eða hún sé að gera þessa dagana". Vanalega eru þetta vinir eða frændfólk þá svona 2-3 dögum seinna þá rekst maður á viðkomandi manneskju eða hún hringir í mann!!! Ég hef lent í þessu allnokkrum sinnum og hef verið að pæla hvort örlögin séu þarna á ferð eða hvort ég sé endanlega orðinn bilaður.. Þetta er pæling.

Annað sem ég hef lent í, aðallega hér á króknum, er að manneskja sem maður þekkir alls ekki neitt kemur upp að mér og heilsar manni og talar við mann eins og hann/hún hafi þekkt mig alla tíð... Það er alveg sama þótt manneskjan sé full af áfengi eður eigi og svo næst þegar maður sér manneskjuna þá yrði hún ekki á mann... Hvað er málið??? Getur einhver sagt mér það??

 

Berti mikið í pælingum